Oracle Red Bull Sim Racing-მა, ფორმულა ერთის საჯინობო Red Bull Racing-ის სიმ-რეისინგის გუნდმა, გეიმინგ კონტროლერების მწარმოებელ კომპანია SCUF Gaming-თან გააფორმა მრავალწლიანი პარტნიორობა.
პარტნიორობის ფარგლებში, SCUF Gaming გახდება Red Bull-ის სიმ რეისინგ გუნდის კონტროლერების ოფიციალური მიმწოდებელი.
შეთანხმების თანახმად, SCUF-ი დაიწყებს ლიცენზირებული კონტროლერების გამოშვებას Oracle Red Bull Racing-ის ფერებში. გარდა ამისა, SCUF-ის ბრენდინგი გამოჩნდება Oracle Red Bull Sim Racing-ის მრბოლელების ფორმებზე.
SCUF Gaming-ის ლოგო ასევე განთავსდება Oracle Red Bull Sim Racing-ის მანქანებზე, რაც 2025 წლის F1 Sim Racing World Championship-ის მსგავსი შეჯიბრების დროს გამოჩნდება.
ბრენდინგისა და ფორმებზე ლოგოს განთავსების გარდა, პარტნიორობის ფარგლებში Red Bull Racing-ი თავის პარტნიორებს SCUF-ის კონტროლერებს მიაწვდის და The Paddock პლატფორმის წევრებს მრავალ ფასდაკლებას შესთავაზებს.
ეს შეთანხმება CORSAIR-ის მხრიდან სიმ-რეისინგ სექტორში გაზრდილი ჩართულობის შედეგია. 2024 წლის სექტემბერში SCUF Gaming-ის მფლობელმა კომპანიამ შეიძინა სიმ რეისინგის აღჭურვილობის მწარმოებელი Fanatec-ი.
Oracle Red Bull Sim Racing-ის კიბერსპორტის ხელმძღვანელმა ჯო სოლტისიკმა პარტნიორობის შესახებ განაცხადა: “ჩვენ ძალიან ვამაყობთ SCUF-თან პარტნიორობით.
SCUF Gaming-ის მაღალი ხარისხის კონტროლერები საოცრად გამოიყურება, და ჩვენი მრბოლელები მოუთმენლად ელიან მათ გამოყენებას. ჩვენ ველით ამ პარტნიორობის განვითარებას და მოუთმენლად ველით ჩვენი ფანების რეაქციას ამ უნიკალური თანამშრომლობის მიმართ.”