კიბერსპორტული მაუსების კასტომიზაციის კომპანია Mouseskins-მა დააანონსა ლიმიტირებული სერიის მაუსების გამოშვება, რომელიც ცნობილ Counter-Strike-ის სკინების დიზაინერებთან თანამშრომლობაში შეიქმნა.
ამ სერიაში წარმოდგენილი იქნება ხუთი დიზაინი, რომლებიც შთაგონებულია Counter-Strike-ის ცნობილი სკინებით, როგორიცაა Hyperbeast და Voltaic, და ხელმისაწვდომი იქნება Mouseskins-ის ონლაინ მაღაზიაში.
ლიმიტირებული კოლექცია, სახელად Case 001, მოიცავს ექვს მაუსს, რომლებიც შეიქმნა ცნობილ Counter-Strike-ის სკინების დიზაინერების თანაავტორობით, მათ შორის Cimota, Baddrock-ი, Moonfighter-ი, Ariata, ChrisParraArt-ი, Sa_22 და SLIMEface-ი. Mouseskins-ი ხელით ააწყობს თითოეულ მაუსს, რათა ისინი მომხმარებლისთვის მზად იყოს ყუთიდან ამოღებისთანავე.
Mouseskins-ის დამფუძნებელმა სტივენ მაკქეროუმ აღნიშნა, რომ ეს პროექტი ორ წელზე მეტია მზადდებოდა. მისივე თქმით, არტისტებსა და კომპანიას ჰქონდათ ერთი მარტივი მიზანი: “შექმნან მაუსის საუკეთესო ვერსია”.
მიუხედავად იმისა, რომ წარმოების პროცესის დეტალები ჯერ არ გახმაურებულა, შემქმნელები აღნიშნავენ, რომ მაუსები მაქსიმალურად ზუსტად იმეორებენ ორიგინალურ ნამუშევრებს. დიზაინები სრულ ფერშია შექმნილი და მოიცავს 10 მილიონამდე ფერის შესაძლებლობას. გარდა ამისა, Mouseskins-მა უზრუნველყო სკინების ვიზუალურად გამორჩეულობა და დაჭერის კომფორტი.