ჩინურმა კიბერსპორტულმა ორგანიზატორმა Perfect World-მა გამოაცხადა Counter-Strike 2-ის Shanghai Major 2024-ის ლოკაციები.
პრეს-რელიზის მიხედვით, საწყისი და გასავარდნი ეტაპები გაიმართება Shanghai World Expo Exhibition and Convention Center-ში. ხოლო Major-ის პლეი-ოფებს Shanghai Pudong (SDP) Bank Oriental Sports Center-ი უმასპინძლებს, რომელიც მანამდე გამოყენებული იყო 2017 წლის League of Legends-ის მსოფლიო ჩემპიონატის ნახევარფინალებისთვის.
Shanghai Major-ში მონაწილეობას მიიღებს 24 საუკეთესო Regional Major Rankings (RMR) გუნდი ევროპიდან, ამერიკიდან და აზია-წყნარი ოკეანის რეგიონიდან, რომლებიც გაათამაშებენ $1.25 მილიონიან საპრიზო ფონდს. ყოველი RMR-ივენთი ნოემბერში შანხაიში ჩატარდება მთავარი ღონისძიების წინ.
30 ნოემბრიდან 8 დეკემბრის ჩათვლით, 24 გუნდი იბრძოლებს რვა ადგილისთვის Shanghai World Expo Center-ის დარბაზში, რომელიც HLTV-ს ინფორმაცცით დაახლოებით 5,000 გულშემატკივარს იტევს.
ფლეი-ოფის ეტაპზე, საუკეთესო რვა გუნდი ჩემპიონობისთვის SDP Bank Oriental Sports Center-ში იბრძოლებს, რომელიც 18,000-მდე გულშემატკივარს იტევს. პლეი-ოფის მატჩები გაიმართება 12-15 დეკემბერს. ბილეთებთან დაკავშირებული დამატებითი ინფორმაცია მოგვიანებით გამოქვეყნდება.
საინტერესოა, რომ ეს იშვიათი შემთხვევაა, როდესაც Valve-ი მართავს ტურნირს, რომლის სამივე ეტაპი (საწყისი, გასავარდნი და პლეი-ოფი) ცოცხალი აუდიტორიის წინაშე გაიმართება. მიუხედავად იმისა, Shanghai Major არის პირველი Valve-ის მხარდაჭერით გამართული Major ტურნირი ჩინეთში.
Perfect World 2015 წლიდანაა Dota 2-ის და Counter-Strike-ის ექსკლუზიური ოპერატორი ჩინეთის ბაზარზე.