Rainbow Six: Siege-ის ყველაზე დიდი კიბერსპორტული ივენთი, Six Invitational 2025, მომავალი წლის დასაწყისში ბოსტონში (აშშ) ჩატარდება.
ივენთს MGM Music Hall-ში გაიმართება, რომელიც 2022 წელს გაიხსნა, რის შემდგომ უკვე მრავალ კონცერტს, კომედიურ შოუს და კიბერსპორტულ ტურნირს უმასპინძლა.
Six Invitational-ი წარმოადგენს Rainbow Six Siege-ის სეზონის დასასრულის ღონისძიებას, რომელსაც ყველაზე დიდი საპრიზო ფონდი აქვს. 2024 წლის ღონისძიება ბრაზილიურ სან-პაულოში ჩატარდა, სადაც $3 მილიონი გათამაშდა. 2025 წელს ღონისძიება პირველად გაიმართება ამერიკის შეერთებულ შტატებში და მას BLAST-ი და Ubisoft-ი ერთობლივად გამართავენ.
Six Invitational-ზე მონაწილეობის უფლება ეძლევათ გუნდებს, რომლებიც R6 კიბერსპორტის რეგულარული სეზონის განმავლობაში ყველაზე მეტ ქულას დააგროვებენ. რეგულარული სეზონი რეგიონალური ლიგებისა და მეიჯორებისგან შედგება. Montreal Major 2024-ი იქნება გუნდების ბოლო შანსი Six Invitational-ზე ადგილის მოსაპოვებლად.
ღონისძიების ადგილი, MGM Music Hall, კიბერსპორტისთვის უცხო არ არის. 2024 წლის Call of Duty League-ის პირველი მეიჯორ ტურნირი სწორედ ამ ჰოლში გაიმართა.
2024 წლის Six Invitational იყო თამაშის ისტორიაში ყველაზე ყურებადი ივენთი, რომლის პიკმაც 520,000 მაყურებელზე მეტი შეადგინა. BLAST-ისა და Ubisoft-ის თანამშრომლობამ ღონისძიებას ახალი სიცოცხლე შესძინა, რის გამოც 2025 წლის ტურნირის მიმართ დიდი მოლოდინი არსებობს.